Tikhatsi tekukhokha
I-JSE Investor Services (JIS) itawucala kukhokhela labo labazuzako labakhetse kutsengisa emasheya abo, kusukela ngaMashi 2026.
Khumbula kutsi linani lelikhokhelwa ku-akhawunti yakho lilinani lamasheya ngelinani lelisemkhatsini lapho emasheya atsengiswa khona, ngemuva kwekukhokhwa kwetindleko tekwengamela kanye nemitselo.
Kutsiwani uma ungakhokhelwa ngaMashi?
Loku kungasho kutsi:
Kutsi kungenteka kutsi ukweleta imali yakaSARS
- Ngekulandzela sigaba 179 (1) seMtsetfo wekuPhatfwa kweNtsela, No. 28 wanga-2011, iSARS ingacala tinchubo tekukhokhela nobe ikhiphe nobe nguyiphi inkhokhelo letfolwe kuSikhwama seThusano mayelana nesikweleti semtselo lesisengakakhokhwa.
- Loku kusho kutsi JISitawube seyitjelwe ngekusebentisa i-IT88 kutsi ibambe imali lebekelwe iSARS kuloyo lozuzako, bese iyikhokhela SARS.
- Esimeni lesinjalo, i-JIS itakuniketa inchazelo, futsi loku kutawukhonjiswa esitatimendeni sakho sesabelo kanye nesitatimende sekucinisekisa kuthengiselana.
- Njengobe kuvetiwe, iJIS kanye neSikhwama seThusano angeke bakhone kwenta lutfo kulomzuzi kulesi simo, futsi lomzuzi kutawudzingeka kutsi achumane neSARS.
Kutsi imininingwane yakho yasebhange beyingakapheleli noma beyingakatfolakali
- Uma ngabe nguwe lonelilungelo lekukhokhelwa, lesimo singalungiswa ngekuchumana neJIS nobe lihhovisi lakaTEBA lelisedvute nawe ngemininingwane yakho yasebhange kanye nemiculu lekungiyo yeFICA.
- Uma leminye imininingwano seyivusetelwe, iJIS itawukhokha lemali, kepha kungenteka kutsi kube ngemuva kwaMashi, nobe uma luhlelo selucedvwe.
Kutsi ngesikhatsi i-JIS ifaka sicelo kuSARS kutsi ikunikete umyalo wemtselo, loku kwaliwa.
- Loku kusho kutsi emarekhodi akho akahlelekile futsi kudzingeka abuyiselwe kumcashi wabo nangabe usacashelwe eGold Fields nobe eSibanye. Uma sekucatululiwe, kukhokha kungenteka.
- Uma ungasasebenti, inkhokhelo yakho itawucubungulwa kusetjentiswa emathebula emtselo esikalini sabo sekugcina lesatiwako semali lengenako.
Uma ngabe ungumhlali wangaphandle
- Kuthengiselana kwangaphandle kungatsatsa sikhatsi lesincane kutsi kusetjentwe futsi kubonakale ku-akhawunti yakho
Kutsiwani nangabe imali lengiyitfolile yehlukile kuleyo lengiyibhale esitatimendeni setinzuzo tami?
- Incazelo lekhonakala kakhulu kutsi ngekuya kweSigaba 179(1) seMtsetfo Wekulawula Intsela, No.28 wa 2011, kungenteka kutsi i-SARS iyale i-JIS nge-IT88 kutsi ibutse imali lebeyiyikweleta futsi loku kwabanjwa ekukhokheni.
Esimeni lesinjalo imali ye-IT88 itawuvela esitatimendeni sakho sesabelo kanye nesitatimende sekucinisekisa kuthengiselana.
Ungaphindze utsintsane ne JIS kute ucinisekise kutsi iSARS ikhiphe imali, kodvwa ngemuva kwaloko, loku kuphindze kube yintfo umzuzi lafanele ayilungise ngco naSARS. - Lenye inchazelo kutsi kungenteka kutsi wente kubalwa kwemholo wakho lowalindzelwe ngekusebentisa linani lemakheya lelingalingani nenani lelisemkhatsini lekugcina lekutsengiswa lelakwatiswa ngemuva kwekucedvwa kwekutsengiswa kwemasheya emkhatsini wenyanga yaBhimbidvwane nga-2026 (R739.09 yemasheya eGold Fields kanye na-R56.25 yemasheya eSibanye-Stillwater). Uma ungenasiciniseko, tsintsana ne-JIS.
Ungatsintsana njani ne-SARS
- Vakashela i-www.sars.gov.za
- Inombolo yesikhungo sekuchumana se-SARS: 0800 00 7277
- Emalanga ekusebenta 8:00-16:00
- Ngaphandle kwaLesitsatfu 9:00-16:00
- Labashayela kulamanye emave: +27 11 602 209
Kuchumana
- Shayela i-JIS : 086 125 5525 nobe 086 143 3659.
- Tfumela imininingwane yakho kanye nesicelo sekukhetsa ku thusano@jseinvestorservices.co.za.
- Ungabona sitatimende semasheya akho ku-JIS profile yakho https://www.investecss.co.za/thusano/account/logon.
- Chafata lapha kute utfole inchazelo yesitatimende sakho sesabelo kanye nekucinisekisa kutsengiselana.
Ngiyabonga kubantfu labanyenti labazuzako labasebentise lelitfuba kute bakhetse indlela labafuna kutfola ngayo sabelo sabo, ngekubeketela kwabo emilindzelweni kanye nekuniketa umniningwane labawuceliwe.
Siyayibonga nendlela lenendlale ngayo lwati nebalingani benu bakudzala nebanamuhla kucinisekisa kutsi labo lokungenteka kutsi abakafinyelelwa ngetindlela tekuchumana nabo bayakwati lokwabiwa kweSikhwama seThusano.
Njengobe kuvetiwe –
kukhokhelwa kutawentiwa
nge Ndlovulenkhulu 2026
Lomunye umbuto lobalulekile utsi: ‘Kwentekani nyalo?’
Fundza lemibuto lelandzelako.
Siyajabula kukwatisa kutsi kutsengiswa kwemasheya akho e-Gold Fields kanye ne-Sibanye-Stillwater sekuphelile, ngekuhambisana nelukhetfo lwakho lolwentiwe ngesikhatsi selukhetfo.
Laba labatsengisako bacala kutsengisa emasheya ngemuva kwelusuku lwekucala lwekutsengiswa, mhlaka 1 Disemba 2025, basakata lokutsengiswa emavikini lacishe abe sitfupha. Intsengo yekutsengiswa beyehlukile malanga onkhe, futsi nyalo njengobe kutsengiswa sekuphelile, sesinelizinga lekugcina, lelinani lelisemkhatsini lekutsengiswa kwesabelo ngasinye, labo labatfola inzuzo labangalisebentisa kubala imali labayitfolako ngaphambi kwekukhokhelwa kwemtselo netimali.
Linani lelisemkhatsini lekutsengiswa ngalo emasheya:
Gold Fields
R739.09
Sibanye-Stillwater
R56.25
Ungabona sitatimende semasheya akho ku-JIS profile yakho https://www.investecss.co.za/thusano/account/logon. Nobe-ke, ungakwenta loko ngekwakho uma ngabe uyati kutsi sabelo sakho semasheya sinjani:
Intsengo yekugcina
yemasheya
Linani lemasheya
laniketwe wena
Linani lelikweletwako kuwe ngaphambi kwekukhokhelwa kwentsela netimali
Gold Fields
R739.09
X
=
Sibanye-Stillwater
R56.25
X
=
KUBALULEKILE
Uma ungena kuphrofayili yakho ku-JIS nobe utsintsane ne-call centre kute ubone sitatimende sakho, utawubona tintfo letimbili:
KWEKUCALA:
Loluhlelo lutawukwenta kubalwa lokungenhla kwakho, kanye nekuncishiswa kwetindleko tekwengamela letifanele lesisandza kukhuluma ngato. Lelinani lelikhonjisiwe litawuba linani lakho ngaphambi kwekubhadalwa kwentsela.
KWESIBILI:
Loluhlelo lusho lizinga lentsela lelingu 45%. Caphela: Ngaphandle nangabe usesigabeni sentsela lesisetulu, lena akusiyo iphesenti yekukhokha kwakho letawutseliswa. Sisalindzele sicinisekiso lesivela ku-South African Revenue Services (SARS) mayelana nentsela yemuntfu ngamunye lotawusebenta kumuntfu ngamunye. Uma sesitfolakale, sitatimende semasheya akho sitawuguculwa ngalokufanele.
Yini lengangivimbela kutsi ngitfole imali yami?
Kunetimo letingetulu kwemandla eSikhwama seThusano letingavimbela umzuzi ekutfoleni imali yakhe. Nati letinye tato:
Tizatfu
Uma ngabe awuniketi imininingwane yekubhanga leliciniso
Uma ngabe awusekho esimeni lesikahle neSARS
Lokwenta kutsi kungabhadalwa
Tonkhe tinhlawulo kumele tifakwe ku-akhawunti yelibhange lemuntfu lozuzako. Loko angeke kwenteke uma ngabe kute imininingwane yeakhawunti yasebhange.
Uma umzuzi angakaletsi imbuyiselo yemtselo futsi/nobe angakabhadali imali lekweletwako ku-SARS futsi angakalungiseleli i-SARS kutsi ilungise lendzaba, i-SARS inga, ngekulandzela Sigaba 179 (1) seMtsetfo wekuPhatfwa kwemiTsetfo yeMtselo, No. 28 wanga-2011, ingacala tinchubo tekukhokhela intsela nobe ikhiphe nobe nguyiphi imali letfolwe kuSikhwama seThusano ngalokubhadalwa kwemtselo.
Yini letawenteka
Inkhokhelo itawuhlala ku-akhawunti yeSikhwama seThusano kudzimate kutfolakale imininingwane ye-akhawunti yasebhange.
I-SARS ingayala Sikhwama seThusano kutsi ibambe imali lekweletwako ku-SARS, ngako-ke lozuzako angeke atfole incenye nobe yonkhe imali yakhe.
Indlela yekulungisa
Uma ngabe awukayiniketi imininingwane yakho yasebhange ku-JIS nobe awuciniseki kutsi ngabe imininingwane yakho yasebhange lebhalisiwe ilungile, tsintsana ne-JIS nobe i-TEBA kute uyinikete.
Hlola ku-SARS (nobe kusitatimende sentsela lengenako yakho ye-e-filing) kutsi awunato yini imali lekweletwako nobe imbuyiselo lekweletwako. Uma kunjalo, tsintsana nelihhovisi le- SARS lelisedvutane nawe futsi wente emalungiselelo ekubhadala lesikweleti sakho.
